LAOAG CITY – Simmangpet iti Manila ti four-time NBA All-Star ken Minnesota Timberwolves star a ni Anthony Edwards para iti series of engagements-na ita a weekend.
Nangipaay ti maysa a brand dagiti ladawan ni Edwards kaduana dagiti dadduma a Filipino content creators nga aglanglanga kas NBA players.
Tampok iti panagbisitana ti “Believe That. Tour” Fan Fest a maisayangkat inton bigat, Agosto 15 iti Bonifacio Global City (BGC).
Ti nasao nga event ket libre ken silulukat iti publiko iti 5th Avenue ken C1 Park.
Paset ti aktibidad ti “Believe That. Challenge,” maysa a nationwide 1-on-1 basketball tournament.
Maipaayan ti gundaway a mangabak ken makaiyawid ti P100,000 ken maawat mismo ken ni Edwards ti championship crown.
Ti agtawen ti 24 a ni Edwards ket nagbalin a first overall pick ti 2020 NBA Draft.
Namindua a daras daytoy a nairaman iti All-NBA Second Team, nagbalin pay isuna a 2026 NBA All-Star Game Most Valuable Player (MVP) ken nagballigi ti Olympic gold medal kaduana ti Team USA iti 2024 Paris Olympics.
