LAOAG CITY – Saan nga agbalin a sobra ti kinabarana kas ti napasaran iti napalabas a tawen ti ‘hot ken dry season’ ita a 2025 basar iti state weather bureau.
Segun ken ni climate monitoring and prediction chief Ana Liza Solis, ti nakapsot a northeast monsoon wenno angin amian ket nangitunda ti nangato a temperatura iti pagilian ngem saan pay daytoy ti panangrugi ti nabara a panawen.
Kunana a mabalin daytoy a maipatungpal ti nakapsot nga angin amian iti panagleppas ti lawas.
Inladawan ti opisial ti temperatura iti siudad ti Quezon idi Lunes ket dumanon laeng iti 37-38 degrees Celsius a nababbaba a 46 degrees Celsius heat index.
Kabayatanna, basar iti bureau, posible a mangrugi ti dry season ita a tawen iti maikatlo a lawas ti Marso nga addaan ti temperatura a dumanon iti 39 degrees Celsius iti Northern Luzon kangrunaanna kadagiti urban areas.
