LAOAG CITY – Opisialen nga indeklarar ti Philippine Atmospheric, Geophysical and Astronomical Services Administration (PAGASA) a pormalen nangrugi ti panagtutudo ditoy pagilian.
Basar iti state weather bureau, basar daytoy iti obserbasionda ti paulit-ulit a panagtudo iti napalabas a lima nga aldaw a mainaig iti Southwest Monsoon wenno Habagat a makaap-apektar iti laud a paset ti Luzon ken Visayas.
Inbatad ti Philippine Atmospheric, Geophysical and Astronomical Services Administration a ti pattern ti panagtudo ket nalawag a pagilasinan ti panagserrek ti rainy season.
Nupay kasta, nagpalagip ti ahensia a posible latta ti maaw-awagan a monsoon breaks wenno temporario a panagkapsot ti tudo a mabalin nga agpaut ti sumagmamano nga aldaw wenno lawas.
Nagballaag pay ti Philippine Atmospheric, Geophysical and Astronomical Services Administration nga iti baet ti panagtutudo, mabalin latta a mapasaran ti napigpigsa a panagtudo gapu iti Habagat nangruna iti Luzon ken Visayas gapu iti posible nga epekto ti El Niño.
