LAOAG CITY – Sinelebraran ti Cebu Pacific ti maika-29 nga anibersario iti babaen ti “Super Seat Fest” a mangididiaya P29 one-way base fare kadagiti amin a domestic ken international a destinasion.
Ti seat sale ket nangrugi idi Marso 6 agingga inton Marso 11, 2025 para iti biahe manipud inton Hulio 1 agingga iti Nobiembre 30, 2025.
Naammoan a sipod nairubuat ti umuna a biahe manipud iti Manila nga agturong iti Cebu idi Marso 8, 1996, limmawan ti operasion ti Cebu Pacific nga addaan ti 37 domestic ken 26 international destinations iti Asya, Australia ken Middle East.
Nakapatayaben ti airline ti sumurok 250 milyon a pasahero ken agtultuloy a mangididiaya ti nalaka a plete.
