LAOAG CITY – Nakairekord ti Department of Health (DOH) ti 426 rabies-related deaths idi 2024.
Gapu iti daytoy, nagpanawagan ti Department of Health nga insigida a pabakunaan dagiti taraken nga ayup kagiddan ti panangitandudo ti awareness iti publiko mainaig iti rabies prevention.
Basar iti Department of Health, 193 a kaso wenno 45% ket gapu iti kagat wenno exposure iti domestic pets idinto a 41% dagiti kaso ket gapu iti unvaccinated animals.
Kunana, 56% ti karaman dagiti ayup a saan a sigurado ti rabies vaccination status.
Karaman iti ad-adda a naapektaran a rehion ket ti Central Luzon nga addaan ti 56 a kaso, CALABARZON nga addaan ti 35 kaso ken SOCCSKSARGEN ket addaan ti 43 a kaso.
Mangipakita iti nasao a bilang iti panagadu ti kaso dagiti pimmusay gapu iti rabies manipud iti 235 a kaso idi 2020.
Naammoan a sipod idi 2020 agingga 2024, adda ti pakabuklan a 1,750 rabies-related deaths ti nairekord.
Kabayatanna, sipod idi Enero 1 agingga iti Marso 1, 2025 ket nakairekord ti Department of Health ti 55 a kaso ti rabies wenno 39% a panagbaba manipud iti 90 a kaso a naipadamag iti kapada a panawen iti napalabas a tawen.
