LAOAG CITY – Nagballaag ni Israeli Prime Minister Benjamin Netanyahu a ti inwayatda a nagpatpatnag a panangraut iti Gaza ket rugi pay laeng ti naiget a panangraut.
Inbatadna a dagiti sumaruno nga aldaw ket mangiwayatda manen ti nakaro a panangraut iti Gaza.
Inlawlawagna a mariknan ti Hamas ti kinapigsa ti Israel iti uneg ti 24 nga oras isu nga inkari a daytoy ket rugi pay laeng.
Naammoan a naiwayat iti nasao a panangraut tapno mapilitan dagiti Hamas a waya-wayaan dagiti hostage nga iggemda.
Maipalagip nga iti napalabas a 24 nga oras ket dumanonen iti 400 nga indibidual ti pimmusay iti airstrike ti Israel a ti natamaan ket dagiti pagtaengan iti Gaza.
