LAOAG CITY – Temporaryo a sinuspenso ti Poland ti karbengan dagiti migrants a sumangpet iti pagilian babaen iti border da ti Belarus nga agaplikar para iti asylum.
Inwaragawag ni Prime Minister Donald Tusk a mapasamak daytoy kalpasan ti kontrobersyal a gakat a mangipalubos kadagiti Polish authorities a mangsuspenso iti daytoy a karbengan agingga iti 60 nga aldaw, ken daytoy ket pinirmaan ni President Andrzej Duda ti nadakamat a pagilian.
Inbatad ni Tusk nga adaptaren da nga awan ti panagdudua da idinto a ni Presidente Duda ket inpetteng na a kasapulan ti naan-anay a panagbalbaliw tapno mapatibker ti seguridad iti borders ti pagilian.
Nupay kasta, ti nasao a gakat ket naiget a kritkritikaren dagiti rights groups a pakairamanan ti Human Rights Watch no sadinno nga inbatad na a ti European Union ket agaramid ti legal nga addang kontra iti Poland no daytoy ket maiyimplementar.
