LAOAG CITY – Maysa a lalaki idiay Idaho ti nakagun-od ti baro a world record kalpasan nga inparabawna ken mabalanse iti timedna iti agan-andar a lawnmower.

Kinumpirmaran ti records keeping organization a Guinness World Records a ni David Rush ti agdama a world record holder ti titulo a “Longest Lawnmower Chin Balance.”

Daytoy ket kalpasan a mabalansena iti timedna ti maysa nga agan-andar a lawn­mower iti uneg ti 9 a minuto ken 17 segundo.

Naatiwna ti previous record daytoy a 7 a minuto ken 2 a segundo ni Ashrita Furman.

Naaramid ti dati a ni Rush ti world record daytoy idi 2020 ngem na-disqualify ti record attempt-na gapu ta saanna nga ingkabit ti bag a mangsarapa kadagiti ruot iti lawnmower.

Ni Rush ket maysa a serial record breaker ken padpadasenna a magun-od ti titulo a “Holder of the Most Concurrent Guinness World Records.”

Iti agdama, addaan ti 165 Guinness title ni Rush ngem masapolna nga abaken ni Silvio Saba nga addaan ti 180 Guinness titles.