LAOAG CITY – Inrakurak ti aktres a ni Max Collins a no agayat manen ket saannan a kayat ti pada na nga artista a makarelasyon.
Iti episode ti “Fast Talk with Boy Abunda”, sinaludsud ni Tito Boy no anian ti preference ni Max no maipanggep iti lalaki.
Diretsa nga insungbat ni Max a saannan a kayat ti pada na nga artista gapu ta nariribok iti biag.
Inpalgak ni Max nga awan ti kadedate na iti agdama ngem pinadas na iti kallabes.
Saan metten nga indetalye pay ti aktres no ania ti napasamak kadagiti nakadate na iti kallabes gapu ta saan a nagtungpal iti pannakirelasyos na.
Mainaig iti daytoy, kuna ni Max a napateg iti potensyal ti sumaruno na a makarelasyon a naurnus ti panangtrato na kenkuana ken ti anak na a ni Skye.
Nasaludsud pay ken ni Max no nakasagana manen nga agayat, ngem insungbat na a saan a naan-anay a nakasagana ngem silulukat iti daytoy.
Maipalagip nga iti laeng napalabas a tawen ket kinumpirmaran ni Max a nagsina dan iti asawa na a ni Pancho Magno ken as-asikaswen dan ti divorce papers da idiay Estados Unidos.
Nagkasar da Max ken Pancho idi 2017, ken inpasngay ti aktres ni Skye idi 2020.
