LAOAG CITY – Paimbestigaran ti Sangguniang Panlungsod dagiti agar-aramid ti suka iti Baramgay Bacsil ditoy siudad ti Laoag.
Daytoy ket kalpasan nga adda ti maipagarup nga ilalaok dagitoy iti suka tapno umadu daytoy.
Segun iti Presiding Officer a dagiti mailalaok iti suka nga ar-aramidenda ket makaperdi payen iti salun-at iti maysa nga indibidual gapu iti mapaspasaran a panagbudo iti karabukobda.
Inbatadna nga adda pay dagiti residente a maipagarup nga agsaksakit iti buksitna gapu iti maipagarup nga ar-aramidenda.
Inlawlawagna a dakkel ti epektona kadagiti produkto a Sukang Ilocos isu a nasken laeng a mangiwayat ti imbestigasion mainaig iti daytoy.
Kabayatanna, inpasigurado ti Presiding Officer a mabirukan iti kabiitan a panawen dagiti maseknan nga aglaklako ti suka tapno awan ti dakes a mapasamak kadagiti umili.
