LAOAG CITY – Nagballigi ti naisayangkat a search operation iti Sitio Cadingrasan iti Barangay Nagpatpatan iti ili ti Solsona.
Nabigbig ti subject iti operasyon a ni Dennis Muños, agtawen ti 44, addaan ti live-in partner, mannalon ken residente iti nadakamat a barangay.
Segun ken ni Police Major Chris Anthony Sorsano, ti chief of police iti ili ti Solsona, adda iti report kadakuada mainaig iti maipagarop a panagik-ikot ti paltog ni Muños isut gapuna a nagaplikar da ti search warrant iti korte.
Inbatad na nga iti naiyuswat a search operation ket nakakumpiskar da iti balay ni Muños iti maysa a caliber 38 ken dua a bala na, kasta pay iti 6 a bala para iti kalibre 45 a paltog ken maysa nga heat sealed transparent plastic sachet a naglaon ti maipagarop a shabu.
Iti agdama, nagtalinaed ni Muños iti Philippine National Police ken manamnama a mapilaan ti kaso a panaglabsing iti Republic Act 10591 wenno Comprehensive Firearms and Ammunition Regulation Act.
