LAOAG CITY – Inabisoan ti Department of Tourism (DOT) dagiti turista lokal man wenno ganggannaet nga ugalien a kitaen no accredited dagiti opisina, hotel ken resort a pagtarusanda.
Inbatad ni Tourism Secretary Christina Frasco a namnamaenda a ngumato ti bilang dagiti agbakasion kadagiti nagduduma a tourist destination ita nga Holy Week ken daytoy ket gundawayan dagiti fly-by-night dagiti resort.
Pagan-annaden ti sekretario ti publiko mainaig kadagiti peke nga online booking a nasken a tingitingen a naimbag ti ka-transaksion tapno saan a mabiktima dagitoy.
Mamati ti sekretario a ngumato ti bilang dagiti turista nga agturong kadagiti nagduduma a resorts ken nalatak a beaches ita a nabara ti panawen.
