LAOAG CITY – Naideklarar kas baro a Presidente ti Ecuador ni Daniel Noboa iti kalepleppas nga eleksyon iti nasao a pagilian.
Inabak ni Noboa ti kinalaban na a leftist a ni Luisa Gonzalez iti babaen ti pannakagun-od na ti nasurok a maysa a milyon a botos a lamang.
Nupay kasta, inpetteng ni Gonzales iti sangwanan dagiti supporters na a saan a nakaaawat ti resulta ti eleksyon ken kalikagom na a maulit ti pannakabilang dagiti botos.
Inawagan na pay ti resulta ti eleksyon kas kadaksan ken makapakigtot nga electoral fraud iti pakasaritaan ti Ecuador.
Kabayatanna, nagkari ti agtawen ti 37 a ni Noboa nga itultuloy na ti manglaban iti drug gangs ken ad-adda pay a papigsaen na ti ekonomiya iti uppat a termino a panagtakem na.
Ni Noboa ti maikadwa a kaubingan a Presidente a naelektaran iti pakasaritaan ti Ecuador.
