LAOAG CITY – Masdaaw ti kaaduan iti non-appearance ni Jodi Sta. Maria iti naiyuswat a Kapamilya Ball.
Adda ti nangipagarup a saan nga ingkankano ni Jodi ti Kapamilya event uray maibilang isuna kas maysa kadagiti prime artists ti Kapamilya Network.
Inlawlawag ni Jodi nga uray kayatna ti agatendar iti nasao nga event ngem adda ti naikeddeng a shooting daytoy para iti maysa a proyekto.
Kunana a kalpasan ti shooting-na ket agtalinaed pay laeng isuna kaduana ti pamiliana iti ballasiw taaw kabayatan ti holy week.
Innayonna a dakkel ti pammatina a gapu iti parabor ti Dios dagiti amin a napipintas a mapaspasamak iti biagna iti agdama.
