LAOAG CITY – Inakusaran ni Ukrainian President Volodymyr Zelensky ti Russia a nangparnuay ti “impression” ti ceasefire kabayatan nga ipatpatungpal da paylaeng ti military actions iti kaadoan a lugar iti Ukraine.
Iti umuna nga innem nga oras ti “Easter truce”, kas pammilin ni Russian President Vladimir Putin, inpetteng ni Zelensky nga adda ti 387 a shellings ken 19 assaults babaen ti Russian forces, ken nausar dagiti drones iti 290 a daras.
Awan met dagiti naireport a nadangran wenno natay iti insidente.
Immunan nga inmandar ni Putin kadagiti tropa da nga isardeng amin dagiti military activity iti Ukraine idi rabii ti sabado agingga iti rabii ti domingo, nga inkari met ti Kyiv a tungpalen na daytoy.
Nupay kasta, inpetteng ni Zelensky a naitultuloy latta ti panagatake iti kaadoan a lugar iti pagilian da.
