LAOAG CITY – Agudua ti reaksyon dagiti umili ti Amerika ken uray ti  international community kadagiti naaramidan ni US President Donald Trump iti napalabas a 100 nga aldaw na iti puwesto.
Daytoy ket gapu ta iti uneg ti nasurok a tallo a bolan, binaliwan ni Trump ti global order a bwinangay ti Estados Unidos iti uneg ti walo a dekada.
Pinatibker na ti militar ken negosyo iti uneg ti pagilian ngem nangipatungpal ti unilateral a pangirigan iti international arena.
Nagsubli daytoy kadagiti daan nga ideya ti expansionism, a gagem na a kontrolen ti Panama Canal, Greenland, ken Canada.
Nangipatungpal ti presidente ti nalawa a taripa kontra kadagiti papagayam ken kabusor na a pagilian, ngem silulukat kadagiti katulagan iti China ken Russia.
Iti umuna a 100 nga aldaw na, kinanunungan na ti sumagmamano a posisyon ti Moscow idinto nga inikkat na ti suporta iti Ukraine.
Naamoan a dagiti nagbalin nga addang ni Trump ket nangitunda ti dakkel a panagbalbaliw ti world market ken diplomatiko a relasyon.
