LAOAG CITY – Gutgutigoten ti City Tourism Office dagiti residente ditoy ciudad ti Laoag a makitinnulong a mangbukel iti konsepto iti agbalin nga entry da para iti Tan-ok Festival 2026.
Daytoy ti inbatad ni Atty. Charito Malicad ti mangidadaulo iti City Tourism Office kalpasan iti pormal a panangiwaragawag ti local chief executive a makisalip ti ciudad ti Laoag iti Tan-ok Festival iti sumaruno a tawen.
Mainaig iti daytoy, kuna ni Malicad nga amwen da pay ti budget nga iyalokar da a mausar para iti props, costume ken dadduma pay.
Maipalagip nga immunan nga inbatad ti mayor ditoy ciudad a kalikagum da a maaddaan ti napintas a pabuya kagiddan iti panagsubli da iti entablado ti nasao a kompetisyon.
