LAOAG CITY – Nagpanawagan ti Catholic Bishop Conference of the Philippines (CBCP) iti publiko nga isardeng ti panagkampania para ken ni Luis Antonio Cardinal Tagle tapno agbalin a sumaruno a Santo Papa.
Inbatad ni Catholic Bishop Conference of the Philippines Episcopal Commission on Public Affairs Executive Secretary Fr. Jerome Secillano a no bilang mapili ni Tagle ket agbalin a negatibo ti panagkita ti sabali a puli.
Inbatadna a mabalin a ti panunutenda ket ti conclave ket maimpluwensiaan ti sabali a grupo.
Kunana a napateg nga irespetar laengen ti panagbalin nga independent ti electors.
Inlawlawagna a ti napintas nga aramiden ita ket ikararagan laengen ni Tagle ken dadduma pay a cardinal-electors.
Naammoan a ti agtawen ti 67 a ni Tagle ket Pro-Prefect ti Dicasery for Evangelization.
Kabayatanna, maysa isuna a ‘papabili’ wenno contender nga agbalin a Santo Papa.
