LAOAG CITY – Nailungalong iti Senado ti maysa a resolusion a mangipaay ti pammigbig iti biag ken legacy nga inbati ni Pope Francis wenno Pope Jorge Mario Bergoglio ti Buenos Aires, Argentina.
Iti Senate Resolution 1342 nga inlungalong ni Senate President pro-tempore Jinggoy Estrada, nangipadanon daytoy ti pannakipagladingit iti sibubukel a Senado iti Supreme Pontiff ti simbaan Katolika.
Inbatad ni Estrada, ni Pope Francis ket nalablabes pay ngem maysa nga spiritual leader ken maysa a simbolo ti panagkumbaba.
Kunana a ti mensahe ti Santo Papa ti namnama, panagkaykaysa ken asi ket saan laeng a narikna dagiti Katoliko no di ket iti intero a lubong.
Inlawlawagna nga iti uneg ti 12 a tawen a panagbalin a Santo Papa ket intultuloy ni Pope Francis iti panangipaay iti kinapateg ti panangtaripato kadagiti karaman iti marginalized, panangitandudo ti kinakappia ken panangtagiben iti aglawlaw.
Innayon ti Senador a nagserbi kas global voice si Pope Francis para sa dignidad, karapatang pantao at pagkakaisa.
