LAOAG CITY – Ninayonan pay ni Vice President Sara Duterte ti listaan ti party-list groups a nasken a saan nga ibutos dagiti botante.
Malaksid iti Tingog Party-list a kukua ti pamilia ni House Speaker Martin Romualdez, kiniddaw pay ni Vice Presidente Sara iti publiko a saan nga ibutos dagiti militante a party-list groups.
Kunana nga ammo ti gobierno a kaalyado ti CPP-NPA-NDF ti nasao a party-list groups.
Karaman pay ti Ako Bicol Party-list iti listaan ti Bise Presidente a saan nga ibutos inton eleksion gapu ta kukua daytoy ti maysa a kontraktor dagiti proyekto.
