LAOAG CITY – Umaboten iti 28 a tattao ti natay idinto a 800 a sabsabali dagiti nasugatan kalpasan ti napigsa a panagbettak iti maysa kadagiti key ports iti Iran.
Napasamak ti panagbettak iti Shahid Rajaee, ti maibilang a kadakkelan a commercial port iti Iran, ken masarakan daytoy iti asideg iti southern city ti Bandar Abbas.
Gapu iti napasamak ket nadadael dagiti tawa ken bubungan dagiti pasdek nga asideg iti nakapasamakan ti insidente pakairamanan dagiti ado a lugan.
Malaksid kadagiti natay ken nasugatan ket adda pay ti innem nga indibidual a mapukpukaw kalpasan ti insidente.
Mainaig iti daytoy, indanun a dagus ni Iranian President Masoud Pezeshkian ti pannakipagladingit na iti pamilya dagiti pimmusay a biktima kagiddan ti panangiwaragawag na ti panagimbestigar a naimbag ti gobierno iti napasamak.
