LAOAG CITY – Kinomendaran ti Sang Panlalawigan dagiti Sang Kabataan ditoy probinsia kalpasan a nagun-od da ti 100 a porsiento a submission rate ti evaluation ken monitoring form 1.
Segun kenni Mr. Willie Jake Sib-at, ti mangidadaulo iti Ilocos Norte Youth Development Office, kadagupan dagiti amin a Sang Kabataan ditoy pagilyan, ti laeng Ilocos Norte ti nakagun-od iti daytoy.
Maragsakan ni Sib-at gapu ta binigbig ti Sang panlalawigan ti dakkel nga akem dagiti agtutubo iti komunidad kangrunaanna dagiti isaysayangkat da a nagduduma a programa ken proyekto tapno ad-adda pay a maitandudu ti probinsia.
Maipalagip nga immunan a binigbig ti National Youth Commission dagiti Sang Kabataan gapu iti nagun-od da nga accomplishment iti kallabes.
