LAOAG CITY – Maysa nga high school teacher idiay Shakopee City, Minnesota ti pormalen a Guinness World Record holder kalpasan a nangipakita ti naidumduma a fire breathing skills.
Ni Raederle Sterling nga agtawen ti 38 ket nakagun-od ti baro a world record para iti “most flames blown in 30 seconds (fire breathing)” kalpasan a nakabuga ti 68 a daras idi Septiembre iti maysa nga event idiay Minnesota.
Inbatad ni Sterling, saanna nga inranta a gun-oden ti rekord no sadinno a kabayatan ti baro a technique pakairamanan ti fire troupe-na, nariparna a makabuga isuna ti adu nga apoy nga agsasaruno kagiddan iti ritmo ti musika.
Sumurok 20 a tawen daytoyen kas professional fire performer ngem itana laeng a napanunotan a makipaset iti nasao a rekord.
Iti record breaking attempt, inpakita ni Sterling ti talentona no kasanona nga iyakar ti apoy babaen ti ramayna nga iddepenna daytoy babaen ti bibigna.
Inpannakkelna a paset ti nagun-odna a pammadayaw para kadagiti estudiante.
