LAOAG CITY – Ikarkarigatan ti Ilocos Norte Electric Cooperative wenno INEC babaen ti panangidaulo ni Mr. Perry Martinez, Acting General Manager a pagtalinaeden a single digit ti per kilowatt hour ti kuriente.
Segun kenkuana, uray agab-abunarda no dadduma basta agtalinaed a nababa kas inkarida.
Inbatadna nga iti agdama ket napintas ti financial situation ti kooperatiba gapu ta naurnosda daytoy.
Kunana a no bilang ngumato ti panagsingir ti kuriente ket mismo isuna ti makisarita kadagiti member consumer and owners nga awatenda bassit daytoy.
