LAOAG CITY – Nangbukel ti Philippine National Police (PNP) ti maysa a komite a bukbuklen ti nagduduma nga ahensya tapno malabanan ti panagwaras ti fake news.
Segun ken ni Philippine National Police chief Police General Rommel Marbil, binukel da ti Joint Anti-Fake News Action Committee.
Inbatad ni Marbil a gagem ti nasao a komite a pagsungbaten dagiti agiwarwaras ti peke a damag ken nagaramid ti maysa a framework nga alisto a makaikkat kadagiti saan nga umiso nga impormasyon iti online.
Innayon ni Marbil a ti laban kontra iti fake news ket maysa nga whole government approach a naka-angkla iti legal offensive, technological innovation, ken public education.
Kuna pay ti Philippine National Police a kasapulan a mangbukel kadagiti paglintegan wenno mangamendar kadagitoy tapno malabanan ti fake news.
