LAOAG CITY – Nakabutosen ni Presidente Ferdinand Marcos Jr. para iti 2025 Midterm Elections iti Mariano Marcos Memorial Elementary School iti siudad ti Batac.
Kadua ti Presidente a nagbutos ti inana a dati a First Lady Imelda Marcos ken ti kabsatna a ni Irene Marcos.
Naammoan a kinuyog ni Presidential Son Sandro Marcos ti amana iti panagbutos daytoy.
Nagbalin met nga alisto ken naannayas ti panagbutos ti pamilia Marcos.
Kabayatanna, naiget a naipatungpal ti seguridad iti aglawlaw kabayatan ti kaadda ni Presidente Marcos iti nasao a pagadalan.
