LAOAG CITY – Naperdi dagiti sumagmamano nga Automated Counting Machine ditoy probinsia kabayatan ti 2025 Midterm Elections.
Gapu iti daytoy, sumagmamano a minuto a naitantan ti panagbutos dagiti botante.
Nupay kasta, insigida nga inkarigatan ti Commission on Elections a tarimaanen ken suktan dagiti naperdi nga Automated Counting Machine.
Mainaig iti daytoy, nagkiddaw ti pannakabagi ti Commission on Elections ti naan-anay a pannakaawat dagiti botante banag a naawaten met dagitoy.
Kabayatanna, naammoan a dagiti sumagmamano a pagadalan a naperdi ti Automated Counting Machine-na ket ti Hilario Valdez Memorial Elementary School iti siudad ti Batac ken Evangelista Elementary School iti ili ti Paoay.
