LAOAG CITY – Nagpirman ti Commission on Elections wenno Comelec ken dagiti partner agencies-na ti Memorandum of Agreement para iti random manual audit (RMA) committee para iti kangrunaan a Bangsamoro Autonomous Region in Muslim Mindanao (BARMM) parliamentary elections.
Kuna ni Commission on Elections (Comelec) Chairman George Garcia a ti random manual audit ket maysa kadagiti napateg a paset ti maysa nga eleksion gapu ta i-countercheck-na daytoy ti bilang dagiti automated machine.
Inbatadna nga awan serbi ti automated election no nababa ti accuracy rating ti random manual audit.
Maipalagip nga idi 2025, nakairekord ti Commission on Elections (Comelec) ti kangatoan a random manual audit (RMS) accuracy rating iti 99.997% a mangipakaamo iti nangato a manamnama a bilang dagiti balota.
Paset ti random manual audit (RMA) committee dagiti accredited citizen arm ti Comelec.
Ti ahensia ken nagpirma iti agsina a kontrata iti Philippine Statistics Authority ken Department of Education para iti cooperative partnerships.
Malaksid iti daytoy, maysa pay a katulagan ti sinelyuhan iti baet ti Commission on Elections (Comelec), Parish Pastoral Council for Responsible Voting ken National Movement for Free Election para iti panangbaybay iti manual audit.
Naikeddeng inton Setiembre 14, 2026 ti kangrunaan a BARMM parliamentary election.
