LAOAG CITY – Sinuspenso ti Land Transportation Franchising and Regulatory Board (LTFRB) ti distribusion ti P12 kada litro ti fuel subsidy gapu iti election ban iti panaggastos iti social services, para iti asideg a Barangay and Sangguniang Kabataan Elections (BSKE).
Gapu iti daytoy, dismayado dagiti jeepney drivers iti pannakasuspenso ti nasao a subsidy ken immapela iti gobierno nga ingato ti fuel subsidy wenno aprobaran ti kiddaw a pannakaingato ti plete.
Iti babaen ti election code, maipawil ti public welfare ken social service programs iti election period agingga a saan a maipaayan ti exemption ti Commision on Elections (COMELEC).
Segun iti Comelec, sipapalubos daytoy no agtuloy ti fuel subsidy no adda ti kiddaw ti excemption.
Iti baet daytoy, awan pay ti naawat a formal request manipud iti Land Transportation Franchising and Regulatory Board (LTFRB).
