LAOAG CITY – Adda iti agdama ni US President Donald Trump kadwa na da Elon Musk ken dadduma pay a personalidad iti Saudi Arabia kabayatan ti kaunaan a major diplomatic trip na para iti maikadwa a termino na.
Sinarabo ni Saudi Crown Prince Mohammed bin Salman ti grupo ti US president babaen ti nagarbo a pangaldaw.
Mangnamnama ni Trump a makagun-od iti dakkel a baro a panagpuonan iti Estados Unidos iti uppat nga aldaw a panagbiahe na idiay Saudi Arabia, Qatar ken United Arab Emirates.
Naobserbaran a saan a karaman iti itinerary ni Trump ti Israel nga addaan kadagiti isyu ti ekonomiya, imbes ket ti diplomatic wenno security concerns ti inpangpangruna ti US President iti listaan.
Kabayatanna, plano dagiti Arab leaders a piliten ni Trump nga agaramid ti ad-ado a wagas tapno maalay-ayan ti panagrigrigat iti Gaza.
