LAOAG CITY – Simmangpeten idiay Turkey ni United States Secretary of State Marco Rubio tapno bumallaet iti panagsarita ti Russia ken Ukraine.
Naammoan a sakbay ti nasao a panangilungalong ti ceasefire deal ket naaddaan daytoy ti informal meeting kadagiti North Atlantic Treaty Organization (NATO) foreign ministers.
Naikeddeng a mangiyuswat daytoy ti taripnong ken ni Syrian Foreign Minister Asaad Al-Shaibani.
Immunan nga inbatad ni Ukrainian President Volodymyr Zelensky nga agturong laeng daytoy idiay Turkey no adda ti kasiguradoan nga agatendar ni Russian President Vladimir Putin.
Maipalagip nga inlungalong ti Estados Unidos ti maipapan iti kinakappia tapno malpasen ti sumurok tallo a tawen a gubat iti nagbaetan ti Ukraine ken Russia.
