LAOAG CITY – Plano ti lokal a gobierno ditoy ciudad ti Laoag ti agimbitar kadagiti international wenno national a kompanya nga adda iti pakainaigan da kadagiti biomass.
Segun kenni Mayor James Bryan Alcid, no adda dagiti maipatakder a biomass ditoy ciudad ti Laoag ket makatulong a mangipababa iti konsumo iti koriente.
Mainaig iti daytoy, kunana nga adda metten dagiti kompanya a nagturong iti lokal a gobierno tapno makisarita maipanggep iti daytoy a proyekto ,
Nupay kasta, kuna ni Mayor Alcid a no mangipatakder da iti nasao a proyekto ket kasapolan a 30% ket maala ditoy ciudad tapno adda met iti pagbaan iti koriente dagitoy.
Ti biomass ket maysa a klase ti renewable energy no sadinno a ti enerhia ket maala manipud kadagiti basura.
