LAOAG CITY – Inbutaktak ti kampo ni dati nga United States President Joe Biden a daytoy ket na-diagnosed ti agresibo a klase ti prostate cancer.
Basar iti kampo daytoy a nagwarasen kadagiti tultulang ti dati a Presidente ti nasao a cancer.
Iti napalabas a lawas idi nakita ti prostate nodule kalpasan a nakapasar daytoy ti panagngato ti urinary symptoms.
Idi Biernes ket rimmuar ti diagnosis a prostate cancer a maibilang a Gleason score 9 wenno Grad Group 5.
Ad-adalen ti agtawen ti 82 a dati a Presidente dagiti sumagmamano nga options para iti pannakatamingna.
