LAOAG CITY – Kalikagum ti Department of the Interior and Local Government ditoy siudad ti Laoag nga adda ti “smooth transition” kadagiti baro a nabutosan a kandidato iti lokal a gobierno ditoy siudad.
Segun ken ni Ms. Charis Garman, mangidadaulo iti nasao a pangopisinaan, adda ti immuna a naiyuswat a panagtataripnong dagitoy maipanggep iti transition iti Laoag City Hall.
Inbatadna nga addan ti naaramid a Local Governance Transitions Team wenno LGTT a panggep daytoy a mapagsasaritaan ti pannakaipropseso dagiti papeles kas ti financial documents wenno dagiti plano.
Inlawlawagna a sakbay nga agtugaw dagiti baro a nabutosan a kandidato iti Laoag City Hall ket maiplastar pay a nasayaat dagitoy banag.
Innayonna a manamnama nga inton Hunio 25 wenno sakbay ti panagtugaw dagitoy iti puestoda ket maipaimanton dagiti dokumento tapno naannayas ti panagtakem ken awan ii agbalin a problema dagitoy.
