LAOAG CITY – Umabot iti nasurok a 100 a driving schools iti pagilian ti sinuspenso ti Land Transportation Office gapu kadagiti panaglabsing da iti pagalagadan.
Segun ken ni Land Transportation Office chief Assistant Secretary Vigor Mendoza II , adda ti pakabuklan a 107 a driving schools ti sinuspenso da iti uneg laeng ti dua a lawas.
Nairekord ti nasao a bilang kalpasan ti inyuswat nga audit trail ti ahensya iti intero a pagilian.
Inpetteng ni Mendoza a gapu iti nagbalin a duktal da ket ad-adda pay nga agbalin da a naiget.
Innayon na a kaadoan kadagiti nasuspenso a driving schools ket manipdo iti Central Luzon, Calabarzon, ken uray iti Metro Manila.
Inpakaammo ni Mendoza a sumagmamano kadagiti nalabsing dagiti nasao a driving schools ket ti no-show wenno non-compliance iti usto a theoretical driver’s training.
