LAOAG CITY – Inbutaktak ni Senator-elect Erwin Tulfo nga agpada nga agkalkalikagum nga agbalin a Senate President iti panagserrek ti 20th Congress da Senador Francis “Chiz” Escudero ken dati a Senate President Tito Sotto.
Inbatad ni Tulfo nga adda ti nauneg ken napaut a panagsinnaritada iti kabsatna a ni Sen. Raffy Tulfo mainaig iti agbalin a liderato ti Senado.
Iti baet daytoy, kunana nga awan pay ti panpaniganna kada Sotto ken Escudero nga agdama pay laeng a nakatugaw kas Senate President.
Inlawlawagna a kasaritana pay laeng nga umuna ti kabsatna a ni Sen. Raffy maipanggep daytoy a banag.
Ti Senate President ket maikadua iti nakalinya ti panangbayabay iti kina-Presidente kalpasan ti Bise Presidente ken isuna ti mangidaulo iti Senado ken addaan ti kontrol kadagiti ar-aramiden iti daytoy.
Malaksid iti daytoy, isuna pay ti tumaktakder a kina-Presidente ti Commission on Appointments (CA).
Immunan nga inrakurak ni Sen. Bong Go a kinasaritadan da Escudero ken Sotto ti “Duterte bloc” para iti suportada iti kalikagumda nga agbalin a Senate President.
