LAOAG CITY – Awan ti nakita a foul play iti pannakatay ti maysa a lalaki a nakita nga unconscious iti uneg ti lugan iti IT Park iti mall iti ili ti San Nicolas.
Daytoy ti inpasigurado ni Police Capt. Randy Damo, ti chief of police iti nasao nga ili.
Inbatad ni Damo a nakaawat da ti report nga adda ti nakita nga unconscious a lalaki iti uneg a mismo ti lugan na a nakaparking iti nasao a lugar.
Kuna na a napanda nagresponde a dagus ken intaray da iti ospital ti nasao nga indibidual ngem naideklarar a dead on arrival.
Inpakaammo ni Damo a basar iti asawa ti lalaki ket agsagsagaba daytoy ti sakit a throat cancer.
