LAOAG CITY – Naipaiman iti Department of Justice ti kaso dagiti sangapulo a dati ken agdama nga empleyado iti Ilocos Norte Electric Cooperative (INEC).
Segun kenni Acting General Manager Perry Martinez, ti nagbalin a complainant iti pannakaipaima ti kaso iti Department of Justice ket ti kooperatiba ken ti National Bureau of Investigation.
Inlawlawagna a ti National Bureau of Investigation ti immuna a nagimbestigar kalpasan na ket inyendorso da iti Department of Justice.
Kuna ni Martinez a ti Department of Justice ti agdesisyon no maipila ti kaso iti piskalya.
Maipalagip nga immunan nga inpakaammo ni Martinez iti publiko iti pannakapukaw ti pondo ti Employees Retirement Benefit Plan ken adda dagiti napatuludanen ti surat tapnu agsungbat ken napilaanen ti kaso.
