LAOAG CITY – Inrekomendar ni Konsehal RJ Fariñas a no mabalin ket ipublikar ti pannakaiproseso iti panagreklamo maipanggep iti panagsingir ti nalabes dagiti tricycle driver ditoy ciudad ti Laoag.
Kunana maymayat no maipost ti proseso iti facebook page iti Local Government Unit iti ciudad tapno al-alisto a makaaramid da ti addang kontra kadagiti maseknan a tricycle driver.
Inbatad na a babaen iti kastoy nga addang ket mabalin nga agbuteng dagiti tricycle driver nga agsingir ti nalablabes ngem ti naikeddeng a plete ti pasahero da.
Maipalagip nga immunan nga inpakaammo ni Vice Mayor Carlos Fariñas nga adda iti 4 a tricycle driver ditoy ciudad ti Laoag a naticketan gapu iti nalabes a panagsingir da iti plete kadagiti pasahero da .
Mainaig iti daytoy kalikagum pay iti bise mayor mai-update ti naipalaon ti fare guide a maikabil kadagiti tricyle ditoy ciudad ti Laoag.
