LAOAG CITY – Natay ti dua nga indibidual idinto a nasugatan ti 32 a dadduma pay kalpasan a narpuog ti rangtay idiay India.
Inbatad ni Chief Minister Devendra Fadnavis nga adda ti innem a tattao ti naisalakanda nga adda iti kritikal a kasasaad iti ospital.
Napasamak ti insidente iti Kundamala area iti Pune district a rumrummuar a gapu iti awan sarday a panagtudtudona isu a narpuog ti rangtay.
Insigida a nangiwayat ti panag-rescue dagiti otoridad ken intarayda dagiti biktima iti ospital para iti naan-anay a pannakataming dagitoy.
