LAOAG CITY – Nakaawat ti City Health Office ditoy ciudad ti Laoag ti surat manipod kenni Presiding Officer ken Vice Mayor Rey Carlos Farinas mainaig iti pannakaala kadagiti birthing bed a saan a maus-usar.
Segun kenni Dr. Rodrigo Catcatan Jr., mangidadaulo ti City Health Office ditoy suidad ti Laoag nga addan ti panangsalusod na iti Rural Health Unit 2 maipanggep iti birthing bed a nakaikabil ditoy a saan a maus-usar.
Kunana a daytoy ket saan a ginatang iti lokal a gobierno ditoy ciudad no diket indonar iti Department of Health kadagiti Barangay Health Centers.
Inpakaammo na a ti pakaikabilan koma dagiti birthing bed ket iti Rural Health Unit 3 ngem saan paylaeng nga operational ken awan pay ti accreditation ken staff na.
Gapu iti daytoy, inbatad ni Catcatan a dagiti birthing bed iti Rural Health Unit 2 ket manamnama nga ikabil da paylaeng iti ospital.
Immuna iti daytoy, naduktalan ti presiding officer nga adda dagiti birthing bed kadagiti Rural Health Unit ditoy ciudad ti Laoag a saan a maus-uuar isut gapuna a kalikagom na a maiyakar iti ospital tapno saan a maperdi ken mausar met laeng dagiti agkasapolan.
