LAOAG CITY – Kwinestionaran ni Vice Mayor Rey Carlos Fariñas no napanan ti gudua ti bilang a naaprobaran a tricycle franchise ditoy siudad ti Laoag.
Segun kenkuana, basar iti report ni Mayor-elect James Bryan Alcid, Chairman ti Committee on Transportation nga adda ti agarup uppat a ribu nga inaprobaranda a tricycle franchise ken ti inpasada laeng ket dumanon iti 2,107.
Gapu iti daytoy, inbatadna a masapul a kitaenda daytoy a naimbag gapu ta ti panag-renew ti tricycle franchise ket iti kada tallo a tawen.
Kunana nga adda dagiti mapukpukaw a tricycle franchise a saan a nai-renew.
Innayonna a makaalarma ti kastoy a mapaspasamak isu a masapul a masolbar daytoy iti kabiitan a panawen.
