LAOAG CITY – Inrakurak ni Israeli Defense Minister Israel Katz a maipagarup a liniklikan ni Iran Supreme Leader Ayatollah Ali Khamenei ti assassination iti naawagan a “12 day of war” iti babaen ti panaglemmeng iti kaunegan ti underground.
Inbatad ni Katz a pinuted ti Iran Supreme Leader ti kontakna kadagiti commander a nangsukat kadagiti naikkat wenno natay a commanders.
Mabalin a napapatayda ni Khamenei no naaddaan laeng ti gundaway a nakita isuna iti kangitingitan ti sumurok maysa a lawas a rinnupakda ti Iran.
Maipalagip nga iti umuna nga aldaw ti 12 day of war a nangrugi idi Hunio 13, napatay dagiti sumagmamano a nangangato nga Iranian commanders ken nuclear scientists.
Naglippas met ti air war iti nagbaetan ti Iran ken Israel iti babaen ti inisyatiba ti Amerika a ceasefire idi Martes, Hunio 24.
