LAOAG CITY – Manamnama a malpas iti uneg ti uppat a bulan ti dalan iti likud ti SM ditoy siudad ti Laoag.
Daytoy ti inpakaammo ni Engr. Glen Miguel, District Engineer ti Department of Public Works and Highways – First District Engineering Office ditoy siudad ti Laoag.
Segun kenkuana, ikarigatanda a malpas ti nasao a proyekto iti baet a masansan a makapaspasar ti panagtudtudo nangruna iti malem.
Inbatadna nga addan ti pammilin ken pannakisarsaritana iti kontraktor ti proyekto a maiyalisto ti pannakalpas ti dalan ti dakkel a mall nga agturong iti Gilbert Bridge.
Inlawlawagna a kinasapulanda ti 10 a milyon a pisos a nayon para iti pannakaipatungpal ti proyekto.
Innayonna nga adda ti immun-unan a 30 a milyon a pisos a nailatang para iti nasao a proyekto.
