LAOAG CITY – Iyur-uray laengen ti formal request ti Philippine Navy iti Department of Justice tapno rugianen ti panangbiruk kadagiti mapukpukaw a sabungero a maipagarup nga inbellengda iti Taal Lake.
Segun ken ni Philippine Navy spokesman Captain John Percie Alcos, mangi-deploy-da ti tallo a team wenno 12 a technical divers manipud iti Navy Sea, Air and Land nga agusar kadagiti underwater drone iti panangbatok.
Naammoan a ti Naval Special Operations Command (NAVSOCOM) nga am-ammo iti awag kas Philippine Navy SEALS ket dimmalan iti panagsanay ken eksperto iti Sea, Air and Land (SEAL) operations a ti pokus dagitoy ket reconnaissance, close combat, demolition, intelligence ken underwater operations.
Mainaig iti daytoy, inrakurak ni Rear Admiral Roy Vincent Trinidad, PN spokesman iti West Philippine Sea, tallo a team ti mabalin nga ipa-dispatch ken mangiwayat ti diving operations tapno maiyuli dagiti rurog dagiti mapukpukaw a sabungero tapno mapaneknekan no pudno nga iti Taal Lake ti nangibellenganda kadagitoy kas ti panangibutaktak ni alyas “Totoy.”
Inadmitir dagiti opisial a ti underwater drone ket mausar tapno marekobre pay dagiti rurog dagiti nasao a mapukpukaw a sabungero.
