Naglikudan ti Armed Forces of the Philippines (AFP) ti “false ken misleading” a rakurak ti Chinese Coast Guard (CCG) a dagiti miembro ti Philippine Navy ti nangirugi ti komprontasion iti BRP Sierra Madre idiay Ayungin Shoal idi Hulio 20.
Inakusaran ti China ti dua a bangka ti Pilipinas a dinungparna ti maysa a patrol vessel-da.
Nakwestionaran met ti Armed Forces of the Philippines (AFP) no apay napalubusan nga immasideg ti BRP Sierra Madre ti rigid-hull inflatable boat (RHIB) ti Chinese Coast Guard.
Basar kadagiti otoridad, propesional a naggaraw dagiti miembro ti Philippine Navy a maiyataday iti rules of engagement ti panangipaayda ti dua a rubber boat tapno pagtalawen ti bangka ti China.
Inpetteng ti Armed Forces of the Philippines (AFP) a kimmaro ti situasion kalpasan a saan a sinurot ti Chinese Coast Guard ti bilin a tumalawda ken idi minalo ti maysa a Chinese personnel ti maysa a Pilipino usar ti kayo a baton.
Inpada ti Armed Forces of the Philippines (AFP) ti insidente a napasamak idi Hunio 17, 2024 no sadinno a nangiyuswat ti Chinese Coast Guard ti “coercive and volent actions” kontra kadagiti Pilipino a sundalo a mangiyuswat ti rotation ken resupply mission.
Inakusaran ti Armed Forces of the Philippines (AFP) ti China iti panangiwaras ti disinformation karaman ti artificial intelligence-genrated video ti Chinese state media tapno baliwan ti napasamak ken pakapsoten ti 2016 Arbitral Award.
Agtultuloy ti pannakaiyuswat ti People’s Liberation Army Navy, Chinese Coast Guard ken Chinese maritime militia mainaig ti illegal ken naiget nga aktibidad a nagresulta ti tension iti West Philippine Sea.
Kabayatanna, inrakurak ni Armed Forces of the Philippines (AFP) spokesperson for the West Philippine Sea ken Navy reservist Rear Admiral Roy Vincent Trinidad a pinutol ken saan a kompleto ti video nga inruar ti China no sadinno pinatalaw ti Philippine Navy ti rigid-hull inflatable boat (RHIB) ti China kalpasan a nakaasideg daytoy agingga 30 metro iti BRP Sierra Madre.
