LAOAG CITY – Nagpalagip ni Senador Ping Lacson a ti trabaho dagiti senator-judges ket mangiyetnag ti ruling wenno desision basar kadagiti argumento nga idatag ti prosekusion ken depensa mainaig iti impeachment case kontra ken ni Vice President Sara Duterte.
Adda ti pakainaigan daytoy iti nagbalin a rakurak ti pannakangiwat ti Senate Impeachment Court a ni Atty. Reginald Tongol a namnamaenda ti nabara a debate iti korte no agmosyon ni Senador Ronald “Bato” dela Rosa no nasken nga ituloy ti Senate 20th Congress ti impeachment trial kontra ken ni Duterte.
Iti social media post, inpetteng ni Lacson ti pammalagipna kadagiti senator-judges nga ipabus-oy ti prosecution ken defense team ti panangipila dagiti mosyon ken pleadings maipanggep iti impeachment trial.
Inlawlawag ti agpanpanday linteg ti responsibilidad dagitoy iti impeachment court ket denggen ti argumento ken counter-arguments ti dua a grupo ken mangiyetnag ti desision.
Maipalagip nga inlawlawag pay ti Senador a no ipa-dismiss man ti impeachment case kontra ken ni Vice President Sara daytoy ket nasken nga imosyon ti depensa ken saan nga asinoman ti senator-judge.
Immunan nga inbatad ni Tongol a mabalin nga agtennag iti panagbubutos ti mosyon ni Dela Rosa wenno posible nga adda ti senator-judge a saan nga umannugot wenno lappedan daytoy isu a mabalin nga adda met ti senator-judge nga unaanna nga agmosyon tapno saan a matuloy ti pannaka-dismiss iti kaso.
