LAOAG CITY – Inbutaktak ti Department of Justice a possible nga adda ti pakainaigan ti napasamak a ‘war on drugs’ iti kaso ti panagpukaw dagiti biktima a mammallot.
Daytoy ti kinumpirmaran a mismo ni Justice Secretary Jesus Crispin Remulla.
Segun iti sekretaryo, adda ti nakita da a koneksyon ti pannaka-arestar ti sumagmamano a karaman iti illegal a droga iti kaso dagiti mapukpukaw a mammallot.
Kuna na nga iti panagtultuloy ti imbestigasyon, nadiskubre daytoy ken naduktalan nga adda ti koneksyon ti dua a naarestar a suspek iti Meycauayan, Bulacan.
Nupay kasta, aminado ni Justice Secretary Remulla nga adda ti problema iti nasao a kaso gapu ta naaddaan ti recantation iti sumagmamano nga indibidwal a maipagarop a nakasarita ti ahensya.
Innayon na nga uray ti ‘death squad’ iti ‘war on drugs’ ket nakita nga adda ti maipagarop a koneksyon na iti napasamak a panagpukaw ken pannakapapatay dagiti mapukpukaw a mammallot.
