LAOAG CITY – Naawaten ti lokal a gobierno ditoy siudad ti Laoag ti sangaribu a family food packs manipud ken ni Cong. Sandro Marcos.
Segun ken ni Mayor James Bryan Alcid, kinnidaw daytoy ti Congressman manipud iti Philippine Charity Sweepstakes Office.
Inbatadna nga iti kallabes a bagyo ket adda ti naapektaran nga agarup 400 a pamilia ditoy siudad a kasapulan a maipaayan ti naan-anay a tulong.
Inlawlawagna nga awan ti naibakwit ditoy siudad ti Laoag gapu iti Bagyo Emong ngem kanayon dagitoy a nakaalerto no inkaso man adda dagiti respondean babaen kadagiti City Disaster Risk Reduction and Management Office, Bureau of Fire Protection, Philippine Marines ken daddumpa pay a katulunganda.
Kabayatanna, inpanamnama ti Mayor iti agtultuloy a panangkita iti kinatalged dagiti umili pakairamanan iti panangipaay nga insigida dagiti masapul dagitoy.
