LAOAG CITY – Kinontra ni United States President Donald Trump ti rakurak ni Israeli Prime Minister Benjamin Netanyahu nga awan ti mabisbisin idiay Gaza.
Inbatad ni Trump nga adda ti pudno a nakaro a panagbisin idiay Gaza no sadinno a nalawag nga agul-ulbod ti Israeli Prime Minister.
Inaramid ni Trump ti rakurak iti panagtaripnongda ken ni United Kingdom Prime Minister Keir Starmer kabayatan nga adda idiay Scotland.
Kabayatanna, binagaanna ti Israel a rumbeng a tulungan laengen ti Gaza gapu iti kumarkaro a kasasaad dagiti residente iti nasao a lugar.
